| Michis-Backforum https://www.michis-backforum.de:443/ |
|
| schwäbische Küche https://www.michis-backforum.de:443/viewtopic.php?p=3191#p3191 |
|
| Autor: | Ruth [ 16.01.2005, 14:18 ] |
Gaisburger Marsch Kartoffelschnitz ond Schpätzle, Gaisburger Marsch genannt, des isch oft’s Samschtigesse bei ons em Schwobeland. Drei Vierleng Rendfleisch nemmt mr, vom Brustkern, des geit Kraft, no isch mr nochher g’schteubert wenn mr em Garte schafft!!! Scho kocht´s mit Gelbe Rüebe, mit Sellerie ond Lauch zur klare Brüeh, koi trüebe, isch guet für jeden Bauch. No wird es Fleisch schö g’würflet Ond Schnitz kommet drzue Ond beides zame köchlet En ällerSeelerueh. Dr Schpatzentoig isch fertig, Ond’s Schpatzenwasser kocht, dr Honger oerträglich, was macht denn d’Köche noch??? Schö obedruf tuet d’Mueder Ganz feine Zwibelreng, goldbraun g’röscht mit Butter. Mir wird’s oms Herz ganz eng!!! Gaisburger Marsch, echt schwäbisch, was moisch drzue, hältscht mit?? Uf älle Fäll do wensch ich , en guete A liabs Grießle von Ruth |
|
| Alle Zeiten sind UTC + 1 Stunde [ Sommerzeit ] | |
| Powered by phpBB © 2000, 2002, 2005, 2007 phpBB Group http://www.phpbb.com/ |
|